Պոռնեզիա իմ սեր. «Շնանալու բախտին ընդմիշտ հավատարիմ»

Մերուժան

Մերուժանը իր սիրո հետ: Գագիկ Շամշյանի

Սիրում եմ քո ճիչը կենակցության պահին,

Երբ ջանում ես ներսում ցիցը երկար պահել:

Պոռնեզիա, այսպես է կոչվում նիմֆոմանուհիների կամ հայերեն՝ տռփուհիներին ձոնված հայկական Լարս ֆոն Տրիերի՝ Մերուժանի բանաստեղծությունների ժողովածուն:

Նրանք ունեն տուն ընտանիք՝

Շատերի հետ են երազում պառկել,

Խաղեր են տալիս կիրթ ու ընտանի,

Եվ ձևանում են երևալ պարկեշտ:

Նույնն են բոլորի ցանկությունները,

Մերկանալ կցվել, հագենալ՝գնալ,

Նրանք մոլագար ցանկասերներ են,

Բիրտ արուների կարոտ այս կանայք:

(далее…)

13.07.2014 at 17:37 Оставить комментарий

Ընտանեկան ալբոմ. Վահան Չերազ

օրագրի 1-ին էջը

օրագրի 1-ին էջը

«Խեղճ մարդը էնքան է ոգևորվել որ աղջիկ է ունեցել, մտածել է՝ կմեծանամ ես կշարունակեմ»,-խունացած տետրակի էջերը մամաս կարդում ու թելադրում է, ես չեմ կարողանում պապիս ձեռագիրը ընթերցել: Վահան Չերազը՝ պապս, մորս ծննդյան օրից նրան նվիրված օրագիր է սկում պահել, բայց տևում է ընդամենը հինգ ամիս, ընդամենը երեք էջ:

Բյուրակնին տարեգրությունը(որոշ կրճատումներով)

1927 հնվար 25.  Բյուրակնը ծնավ երեկոյան ժամը 5:15ին Կազաչի պոստի ամերիկյան հիվանդանոցը: Վարդանուշը քիչ չարչարվեցավ. և ազատվեցավ առանց բժշկի կամ մանկաբարձի, փոքրիկը նիհար է, միայն 6,5 ֆունտ կկշռե: Ամբողջ շաբաթ մը, սաստիկ ցուրտին, ամեն իրիկուն բոլիկոնեն կազաչի պոստ կերթամ այցելության, թեև փոխադրական միջոցներե օգտվելու արտոնությունը կը զլացվի:

Հունվար 30. Բյուրակնը առաջին անգամ երեսնիս կխնդա

Փետրվար 3. Վարդոն և Բյուրակնը տուն կու գան: Վարդգեսին հետ սենյակը կը զարդարենք գունավոր թղթե մանյակներով: ցնծություն:

Փետրվար 6. Բյուրակնի առաջին պաշտոնական ընդունելությունը:

Փետրվարի 10. Բյուրակնը երկու շաբաթվան է, 8ֆ. Կկշռե:

(далее…)

10.06.2014 at 11:58 Оставить комментарий

Իմ գնդակահարված ցեղը

Հորս հոր՝ Ավետիս Կիրակոսյանի գնդակահարության որոշումը

Հորս հոր՝ Ավետիս Կիրակոսյանի գնդակահարության որոշումը

Երեք գնդակահարության որոշումներ, երեք փաստաթուղթ, որոնք հորս ու մորս որբ դարձրին, երկու պապերիս ու մի տատիս գնդակահարության վճիռները:

Երեքն էլ արդեն ձեռքիս են: Իհարկե պատճենները:

Մամայիս հորը՝ Վահան Չերազին գնդակահարել են 1928թ. հունվարի 9-ին(առաջ կարծում էինք 1927-ին):

Մամայիս մորը՝ Վարդանուշ Չերազին գնդակահարել են 1937թ. դեկտեմբերի 26-ին:

Հորս հորը՝ Ռատիխան-Ավետիս Կիրակոսյանին գնդակահարել են 1937թ. դեկտեմբերի 10-ին:

Պապերիցս ու տատերիցս միայն հորս մորը՝ Հայկանուշին չեն գնդակահարել, կամ էլ չեն հասցրել գնդակահարել, կամ էլ եթե չգնդակահարեին, հաստատ կաքսորեին, ինչպես նրա երկրորդ ամուսնուն աքսորեցին, բոլշևիկ՝ Գուրգեն Քալաշյաինին: Հայկանուշը մահացել է 1930թ.:

Ոչ մեկի գերեզմանը չկա: Հայկանուշին են միայն թաղել, էն էլ գերեզմանոցի տեղը կառուցել են  Ցեկայի շենքը, այժմ՝ այսօրվա Ազգային ժողովի:

Մամաս՝ Բյուրակն Անդրեասյանը ծնվել է 1927-ի հունվարի 25-ին, ուրեմն, հորը կորցրել է մեկ տարեկան չդարձած, հորը ձերբակալել են երբ նա եղել է վեց ամսական: Տասը տարի անց 10 տարեկանում մորն են տանում, և եկկողմանի որբ է դառնում: Մեծացել է քեռու տանը: (далее…)

04.05.2014 at 15:09 Оставить комментарий

կեղծարար լուսանկարիչները

Գրող-լրագրողի կեղծարարությունը, փաստերի խեղաթյուրումը բացահայտելը մի քիչ ավելի բարդ է՝ պիտի գրես, ապացուցես, մեկը հավատա, մյուսը՝ չէ, իսկ լուսանկարչի կեղծարարությունը ավելի հեշտ է՝ դնում ես կեղծված լուսնակարի կողքը օրիգինալը և վերջ: եթե օրիգինալը ունես: եթե չունես, չես ապացուցի:

Լուսանկարիչների german&zaven co թայֆեն կեղծարարությամբ է զբաղվում՝ ինձ ջնջելով վավերագրությունից.

Գերման Ավագյանի մի հարցազրույցը վերնագրված է՝ «Պատմության վավերագրողը»:

Սենց է «վավերագրում». ֆեյսբուքում դրել է լուսանկարը «՝1993թ., ապրիլի 4 Քյալբաջար», Իմ դեմքը ծածկել, վրան՝ իր դեմքն է դրել:

Զավեն Խաչիկյանն էլ Գերմանի դամքյաշն ա դառել, ուրեմն, նախ մեջբերում mediamax-ին տված Զավենի հարցազրույցից. «Շատերը փորձելու են խմբագրել ետին թվով իրենց եւ մյուսների կենսագրությունները, դեպքերի դրվագները: Նաեւ սուտ է ներարկվելու մեր պատմության էջերը ու զգալու ենք, թե գիտնական անհատի ինչ տիտանական աշխատանք է պետք լինելու մեզ եւ եկող սերունդներին՝ անաչառ ներկայացնելու մեր 100-150 տարվա պատմությունը»:

Հիմա Զավեն Խաչիկյանը ետին թվով խմբագրում է 1990 թ. Գերագույն Սովետում արած իր իսկ լուսանկարը՝ ջնջել է լուսանկարի միջից ինձ ու հրապարակել ֆեյսբուքում:

Էրկուսն էլ ընտրակեղծիքի դեմ խոսացող են, յանըմ իրենք իշխանությունից ազնիվ են, բայց սրանց ըսկի մի լուսանկար չարժի վստահել, ուր մնաց մի ընտրական տեղամաս:

 

օրիգինալ

օրիգինալ

 

 

 

 

 

 

 

 

 

 

 

 

կեղծված

կեղծված

 

 

 

 

 

 

 

 

 

 

 

 

օրիգինալ

օրիգինալ

 

 

 

 

 

 

 

 

կեղծված

կեղծված

 

 

 

 

 

 

 

 

 

………………………………………………………………………………

28.04.2014 at 11:38 3 комментариев(я)

Գնչուական տոն Թիֆլիսում

Թիֆլիսի Պամպերս կամրջին. Զաուրը, Մարիամը, Մարիաննան, Մարինեն, նա ով հաջորդ օրը ջնջխվել էր

Թիֆլիսի Պամպերս կամրջին. Զաուրը, Մարիամը, Մարիաննան, Մարինեն, նա ով հաջորդ օրը ջնջխվել էր

Վարորդին արդեն բզում էի որ խաչակնքի, էս ի՞նչ բան էր՝ դեմը եկեղեցի ա, խաչը չի հանում: Բայց չհասցրի բզեմ, մալադեց, ինքը նկատեց, հասցրեց՝ խաչակնքեց.

Թիֆլիս, խաչակնքող մարդկանց քաղաքը, գնում ենք ռեստորան: Վրացի վարորդը հասկացանք, բա որ հայ վարո՞րդն ա արդեն խաչակնքում:

Մի գլուխ գովալու բան էր մնացել, որ հայերի դեմը եկեղեցի ա դուս գալիս, վրացու պես չեն խաչակնքում, էն էլ Երևանից Թիֆլիսի ճամփին էս էլ մեր վարորդը՝ Գնելը, Նոյեմբերյանի կողմերը՝ մեկ էլ խաչակնքեց: Նայում եմ դեմը, բան չի երևում, բայց 1 կմ էլ որ անցանք, դեմը մի ճստո մատուռ դուս էկավ. իրեք կմ էս կողմ  Գնելը արդեն գիտի, որ խաչ հանելու վախտը էկել ա: Ուրեմն, էնքան ա մարդ տարել-բերել Թիֆլիս, վրացու պես սրբություն տեսնելիս ձեռը ճակատն ա տանում: Այ սենց, վրացիներից գինի քաշելը չսովորեցին, իշխանություն փոխելը չսովորեցին, խաչակնքելը սովորեցին:

Թե՞ կամաց-կամաց հայերը կրոնափոխ են լինում: Էսքան Թիֆլիս եմ եկել, բայց Պանթեոն չէի գնացել, վերջը եղա՝ Թումանյան, Րաֆֆի, Նար- Դոս, Ջիվանի ու մեկ էլ ամենաթարմ գերեզմանը՝ ինչ- որ անծանոթ մեկը ում արժանիքը մենակ էն է, որ Սրբազանի ընկերն է եղել: Համայնքի դուրը չի եկել, որ արժան-չարժան սրբազանի խաթեր Պանթեոնում թաղում են:

(далее…)

12.04.2014 at 20:31 1 комментарий

Պրիվոլնոյե

kin

Վանաձորի խաչմերուկին. Ստեփանավան գնացող անգլերենի ուսուցչուհին

1. ճանապարհին

Սոխաձև գմբեթով ռուսական եկեղեցին ի՞նչ գործ ունի դուխաբորների գյուղում: Դուխաբորները Ուղղափառ եկեղեցուց առանձնացան հենց եկեղեցին չընդունելու համար:

Դարուփոսով ճանապարհի վերջում դիմացներս բացվում է Պրիվոլնոյեն՝ կարմիր կղմինդրե տանիքներով տներ, կենտրոնում ռուսական եկեղեցին:

«Վաղը հետ գալուց կբերե՞ս»,- դպրոցի մոտ իջնելիս հարցնում եմ վարորդին:

«Էս գնով չեմ բերի, սաղ մաշնեն տվեց ավիրեց»:

«Համաձայն եմ, ինչքանո՞վ»:

«Վեց հազար»: Այսինքն մինչև Վանաձոր 6-ով, իսկ մինչև Ստեփանավան 2-ի տեղը 3,5 հազար ա ստացվում:

Ռոբի համարը գրեցի, հաստատ կզանգեմ, թե չէ, էս կորած գյուղից ո՞նց պիտի հասնենք Վանաձոր:

Պրիվոլնոյեի ճամփին հասկացա, որ վարորդը լավ քաշվել ա: Խեղճ ժիգուլին ինչքան էլ դանդաղ էր գնում, մեկ ա, վեր ու վար էր թռնում իր փափուկ մասերը խփելով դարուփոսերին: Ռոբը խամ էր, Վանաձորի տաքսու վարորդ, Պրիվոլնոյե գյուղի անունը առաջին անգամ մեզնից էր լսում:

(далее…)

28.03.2014 at 10:29 Оставить комментарий

Հավատացյալ դերասանները թիրախ. «Կուզեք կտրեք, կուզեք կոտրեք, իմ արմատները երկնքում են»

Աննա Էլբակյան. «իմ շուրթերը խոսում են իմ սրտի ավելցուկից ինչպես և ձեր շուրթերը ուղղակի իմ սիրտը լցված է Աստծո քաղցրությամբ»:

Աննա Էլբակյան. «իմ շուրթերը խոսում են իմ սրտի ավելցուկից ինչպես և ձեր շուրթերը ուղղակի իմ սիրտը լցված է Աստծո քաղցրությամբ»:

Այն ինչ երկու դերասանների կյանքի իմաստն է ու երջանկությունը, դարձել է ռեակցիոն խմբերի ու մամուլի հարձակման թիրախը:

Երկու տարբեր սերունդների դերասաններ Աննա Էլբակյանը և Արսեն Գրիգորյանը Ավետարանական հավատքի «Ռեմա» եկեղեցու անդամներ են:

Հայաստանի հոգեգալստական եկեղեցուց ճյուղավորված Ռեման ստեղծվել է 2000 թ., պետական գրանցում ստացել 2006-ին:  1000 անդամ ունեցող եկեղեցին համայնքներ ունի  Երևանում, Արտաշատում, Մասիսում, Ստեփանակերտում և Ախալցիխեյում։ Անդամակցում է Հայաստանի Ավետարանական Հավատքի Եկեղեցիների միությանը։

Ռեմայի անդամներ են նաև Էլբակյանի դուստրը՝ դերասանուհի Լիլի Էլբակյանը և ևս մի քանի դերասաններ: Այս փաստը ոչ կարևոր  դրվագ կարող էր լինել, եթե նրանց այդ ընտրությունը ժամանակ առ ժամանակ չդառնար  հասարակական քննարկման առարկա: Որոշ կրոնա-ազգայնական կազմակերպություններ և մամուլը ոչ առաքելական եկեղեցու անդամ արտիստներին անվանելով աղանդավոր այնպես են թվարկում նրանց անունները կարծես բռնացրել են հանցանքի մեջ:

Թե ինչու են հատկապես դերասանները Ռեմայի անդամ դառնում, Արսեն Գրիգորյանը ասում է.

«Ինձ գրավել է խոսքը, քարոզը: Ես երբևէ չեմ զգացել, որ հայտնվել եմ մի տեղ, ուր ուզում են ինձ դարձնել այլ տիպի ինչ որ մեկը: Ես ազատության հոգին եմ ապրել, որը հենց Աստծո երևի ամենամեծ նվերն է»:

Հավատացյալ արտիստների դեմ վերջին արշավը եղավ անցյալ տարի՝ 2013-ի սեպտեմբերին, երբ «Միացյալ երիտասարդական լիգա» և «Մենք» կոչվող կազմակերպությունները շարժում սկսեցին ոչ առաքելական եկեղեցիների դեմ, անվանելով այն «պայքար աղանդավորության դեմ»(ստորագրություններ էին հավաքում նրանց արգելելու համար, այդ մասին այստեղ) և «Միացյալ երիտասարդական լիգան»  հրապարակեց 25 աստղերի անուններ, ովքեր, ըստ նրանց, ոչ առաքելական, ավետարանական եկեղեցիների անդամներ են:

(далее…)

12.03.2014 at 00:52 Оставить комментарий

Предыдущие записи


Рубрики

դրոշմ

Armen Shekoyan Art bottle DIY բար gay Georgia homosexual Jehovah’s Witnesses Literature ԱՄՆ Ազգ Ամերիկա Արթուր Իշխանյան Արմեն Շեկոյան Արտյոմ Խաչատրյան Արցախ Բունիաթյան Բյուրակն Անդրեասյան Եհովայի վկա Զանգիլան Լաչին Լևոն Ջավախյան Լևոն Տեր-Պետրոսյան Կարեն Ղարսլյան Կրիշնա գիտակցություն Համշեն Հայ առաքելական եկեղեցի Հայկական ժամանակ Նաիրի Հունանյան Շուշան Ավագյան Ոսկե ծիրան Ռաֆայել Իշխանյան Ռաֆիկ Ժամկոչյան Ռոբերտ Քոչարյան Ռուբեն Մանգասարյան Սահակաշվիլի Սերժ Սարգսյան Վահե Բերբերյան Վիոլետ Գրիգորյան Վրաստան Տիգրան Սարգսյան Րաֆֆի Հովհաննիսյան Ցեղասպանություն Քաշաթաղ անմազ արձակ արվեստ արտագաղթ արտագնա աշխատանք բանակ բանաստեղծություն գրականություն գրաքննություն երեխաներ ժամանակակից արվեստ իրավունք լեսբուհի խղճի ազատություն կին կրթություն կրոն հոգևորական հոկտեմբերի 27 հոմոսեքսուալ մարտի մեկ միասեռական շիշ հավաքող սահմանադրություն սեփականության իրավունք ցմահ դատապարտված փախստական փոքրամասնություն քաղաքականություն քաք ֆաշիզմ ֆիլմ

Enter your email address to subscribe to this blog and receive notifications of new posts by email.

Join 3 484 other followers

արխիվ

twitter-ը ցույց կտա վերջին թարմացումները

  • Դպրոցում Գրիգորին անընդհատ նեղում են ու ճնշում՝ երեխաները գյավուր, գյավուր են կանչում: «Լավ կհիշեմ, օր մըն ալ... fb.me/6Ayhjh0fJ 20 hours ago
  • Երեք զուգահեռ. Փամուկի «Ձյունը», ուր հայկական մշակույթը Կարսի ուրվականն է: «Ֆուռթունա» պանսիոնը, ուր... fb.me/3ads43LW6 1 week ago
  • Իսկ միթե՞ չես ճանաչում այս մյուս կովկասցուն՝ գողական, հարիֆացնող, մի օրվա մեջ օդից փող շինող Տենգոյին: Ո՞նց, ձեր... fb.me/1mBBACE07 1 week ago
  • Իսկ միթե՞ չես ճանաչում այս մյուս կովկասցուն՝ գողական, հարիֆացնող, մի օրվա մեջ օդից փող շինող Տենգոյին: Ո՞նց, ձեր... fb.me/1gFS4rE20 1 week ago
  • Рейд против DIY: Унижение Параджанова продолжается wp.me/pP13M-xM 1 week ago
Follow Վահան Իշխանյան on WordPress.com

Отслеживать

Get every new post delivered to your Inbox.

Join 3 484 other followers

%d bloggers like this: