Ստախոս մամուլ. Լրագիրը մասնակիցն է հակառուսական մանիպուլյացիայի
15.04.2015 at 10:23 Оставьте комментарий
Ո՞վ տագնապի մեջ չընկնի, ու չբացի, տեսնելու համար թե ինչպես է Ռուսաստանը անպաշտպան թողնելու Հայաստանը Ադրբեջանի հրթիռների դիմաց: Միայն նրանք ովքեր սովորել են lragir.am-ի ստին:
Հերթական սուտը երեկվա վերնագրում «Ռուսաստանը զենքը կհանի Հայաստանից» ու հետը C300 հակահրթիռային կայանի լուսանկարը: Անփորձ ընթերցողը, մանավանդ նրանք ովքեր բանակում զինվոր ունեն, միանգամից տագնապի մեջ կընկնեն՝ վայ, վայ, էս ինչ փորձանք է գալիս գլխներիս, հես ա Ադրբեջանը կներխուժի: Նա կհանգստանա միայն այն ժամանակ, երբ բացի նյութը և տեսնի որ որևէ փաստ, հղում չկա, թե Ռուսաստանը Հայաստանից զենքը հանում է: Կհանգստանա, բայց Ռուսաստանի դեմ նստվածքը կմնա, նյութի վերջում կարդալով այս նախադասությունը «չի բացառվում, որ Ռուսաստանը հետ կվերցնի Հայաստանին մատակարարած համակարգերն ու կփոխանցի դրանք Իրանին»:
Իսկ եթե Լրագրի սադրանքներին սովոր ես, կիմանաս որ հերթական սուտն է տարածում թերթը: Ըհը, ևս մի սուտ վերնագիր՝ «Ռուսաստանը դուրս է բերում ռազմակայանը Հայաստանից»: Չխկացնես, բացես նյութը, ու կտեսնես՝ սուտ, ոչ մի հղում չկա, թե Ռուսաստանը դուրս է բերում ռազմաբազան:
Էսօր մի նոր սուտ «Ռուսաստանը հրաժարվեց ցեղասպանության ճանաչումից»(թերթը մի շաբաթ ապացուցում էր, որ Պուտինը ապրիլի 24-ին չի գալու Հայաստան: Բան չկա, որ պարզվեց գալու է, մեկ է, կգրեն որ հրաժարվել է ցեղասպանությունը ճանաչելուց):
Շնորհակալություն պետք է հայտնել, որ գոնե այսօրվա մեկ այլ նյութ հարցականով է վերնագրված՝ «Մոսկվան նոր ճակա՞տ է բացում Հայաստանի համար»: Ճակատ, իրականում չկա, բայց վերնագիրը վախեցնում է:
Այսպես նյութից-նյութ, հակառուսական դոզա առ դոզա Լրագիրը իր ծրագիրը լուծում է՝ թեթև խուճապներ առաջացնելով Ռուսաստանի նկատմամբ ատելություն:
Լրագրի ստերը վկայում են, որ նրա գիծը Հայաստանի շահերին հակասող Ռուսաստանի քաղաքականության բնական հակազդեցությունը չի, որ լրագրողական պարզագույն էթիկան է «մի ստիր», և դա խախտում ես, սկսում ես ստել, երբ լրագրության փոխարեն հստակ քարզոչական ծրագիր ես իրականացնում, մասն ես դառնում միջազգային հակառուսական ծրագրի, որը մանիպուլացնելով գրգռում է հասարակաությունների մեջ Ռուսաստանի նկատմամբ վախերը և միլիոնավոր մարդկանց հակառուսական թշնամական մոլուցքի մեջ է ներքաշում:
Հակառուսական թշնամական մոլուցքի շնորհիվ իմացա ուկրանացի հիանալի դաշնակահարուհի Վալենտինա Լիսիցայի անունը: Տորոնտոյի սիմֆոնիկ նվագախմբի հետ նրա համերգները չեղյալ են հայտարարել միայն այն բանի համար, որ նա դժգոհել է Ուկրաինական իշխանություններից: Նվագախմբի տնօրեն Ջեֆֆ Մելանսոնը ասել է, թե Լիսիցայի «խորապես վիրավորական շարունակական մեղադրանքներ» նրա «պրովկոացիոն մեկնաբանությունները ստվեր են գցել համերգների վրա»:
Լիսիցան իր twitter-ի բլոգում բացել է nedoukraina անվամբ էջ (որպես հակազդեցություն Ուկրաինայի վարչապետ Յացենյուկի խոսքի՝ թե Ուկրաինայի բնակիչները недолюди- թերի մարդիկ, վիժվածք) ու գրել էր Ուկրաինայի վերաբերյալ ճշմարտությունը.
«Վատագույնը որ կարող է լինել յուրաքանչյուր երկրի հետ եղբայրասպան պատերազմն է: Երբ մարդիկ նայում են միմյանց, իրենց հարևաններին որպես թշնամիների, որոնց պետք է ոչնչացնել: Մեկ տարի անց մեզ մոտ իշխանության են, ինչպես նախկինում նույն հարուստները, ամենուր աղքատություն ու ավերում, հազարավոր զոհեր, միլիոնից ավել փախստականներ»:
Խելոք խոսք, որի համար դաշնակահարուհուն արժի Ուկրաինայի նախագահ ընտրել:
Իսկ որտեղի՞ց Տորոնտոյի նվագախմի տնօրենի հակառուսական մոլուցքը, որ իրեն էնքան է կորցրել, որ զրկել է Լիսիցային համերգից: պարզ չի՞, նա ու իր համախոհները կարդում ու լսում են կանադական Լրագրերը:
Trackback this post | Subscribe to the comments via RSS Feed